تصميم الموقع حــسام هــشام ألعيــداني ، المواضيع تعبر عن رأي كاتبها و لاتتحمل ادارة الموقع اي مسؤلية 
Copyright © 2010, All rights reserved to the Mandaean Association in Netherlands / Hague ,Inc Developed and Web designer By Hossam Hisham al Edani
 

   
 
  النكات العراقية

مقدمة
لقد جمعنا لكم مجموعة كبيرة من النكات العراقية المتداوله في الشارع العراقي
هذه النكات للضحك والترفيه  فقط .. لا نقصد بها الاساءة لاي جهه . 

ألنكات

واحد ديمشي بسيارته بالازدحام ... جان واحد يدك عليه شباك السيارة ... فتح الشباك وسأله: "تفضل أخويه" ... كاله: "نوري المالكي خطفوه ويريدون فديه 100مليون دولار ... واذا الفديه ما اندفعت الخاطفين هددوا يحرقون المالكي مباشر على التلفزيون بالبنزين والنار واحنا دنجمع تبرعات ... تحب تشارك؟؟؟" ابو السيارة كله: " والناس شكد متبرعين لحد هسة تقريبا؟؟؟" جاوبه : "كل واحد ديتبرع من 5 الى 10 لترات بنزين


              طيار دليمي وگعت بيه الطيارة ... لمن لگوا الصندوك الاسود سمعوه يگول
              للمساعد: ماتفكلنه جامة الشباچ شوية من يمك ؟
              دليمي سألو شنو رأيك بالكباب ؟ كلهم والله طيب لوما الشيش يوكف
              بالزردوم
              دليمي كمشتة سيطرة وهمية كالولة انطينة هويتك كال
            مشايلهة كالولة ليش مشايلهة كال مو مكتوب بيهة دليمي وانتو تعرفون
            الوضع
              فد مره ثنين دليم ديلعبون ختيلان ضاعو
              دليمي ياكل دولمه وره الغدة ليش...؟؟ عبالة زنود الست
              شاب دليمي، كامش بيده سيم وواگف براس الدربونه.. گالوله: ليش؟ گال
              حتى البنات تگول عني: شوفوا هذا ... شاب وسيم.
              دليمي مخيم بالصحراء، دخل عليه واحد گلله: آني تعبان من الشمس..
              گلله: تشرفنا ، وأني حمادي من الأرض.
              دليمي قرة بالجريده إنه بالصين كل دقيقه ينولد طفل.. گال: هذا
              التطور، خو مو مثلنه كل 9 أشهر.
              سألوا دليمي: انته اتدخن ؟ گلهم: والله من امشي ما اباوع ورايه.
              دليمي هوه ومرته إجه يمهم صاروخ، صاح بمرته: إنبطحي ولچ! گالتله: هوه
              هسه وكتهه؟
              دليمي راكب بهليكوبتر... گال للكابتن: بروح أبوك ماتطفينه المروحه
              الفوگ.. تراهه بردت شويه.
              دليمي طلع من سجن أبو غريب بعد فضيحة التعذيب.. گال لأمه: ما شفتيني
              بالصور؟ آني ثالث طيز عاليمنه.
              دليميه گالتلهه جيرانهه: اني مسويه ميك أب.. گالتلهه: وأني مسويه شيخ
              محشي.
              دليمي راد يقلد كاظم الساهر نزل كاسيت رائحة القدمين.
              دليمي گلله الطبيب: يوميه تمشي 10 كيلومترات... خابره وره شهرين گلله
              دكتور آني هسه بعرعر... أرجع لو أطلع گبل؟
              دليمي گل لقاسم أبو الگص: فد نفر گص...قاسم گلله: سفري لو بالصاله؟
              كلله: سويه مشكل.
              دليمي گل لابوه: يابه اريدهه تكون بيضة وطويله... گام جابله ثلاجه
              عشرين قدم.
              دليمي راح للحج، مطرت... خابر اهله گللهم: غطوا الاسمنت .
              دليم سمعوا عن المخطط الامريكي بالعراق قدموا على قطع اراضي بيه.
              دليم اثنين ديلعبون شطرنج... كلما يموت جندي ينصبوله فاتحه 3 أيام
              دليمي گالوله مرتك عدهه حمل خارج الرحم... گال: بت المنعول مو گلتلهه
              ليلتهه أعلگي الفانوس.
              دليمي يگلب بقوالب الثلج... يگول: ولا وحده حارّه.
              دليمي تزوج حضريه.. الصبح گللتله: صباح الخير حبيبي.. گال : الله
              ينعل ابو الانگليزي.
              دليم يلعبون على خط الرطبه السريع.. اللي ينسحگ مرتين يخسر.
              دليم ثنين بنقطة تفتيش گالولهم: هوياتكم أخوان.. واحد مد أيده..
              اللاخ گله: والله بالحرام متمد أيدك.
              دليمي سكن ببيت يم ترفك لايت.. كلما يوج أحمر يذبح ذبيحه للسيارات
              الواگفه.
              دليمي گللوله: شنو رأيك بالدوندرمه؟ گلهم: والله طيبه بس الگلاص شويه
              يسوي عندي جالي.
              دليمي مرته جابت توم.. فرح حيل و گال للطبيبه: والله ما أطلعها من
              المستشفى إلا تاخذين واحد بشاره.
              دليمي زعل على مرته.. إجت ترضيه.. گالتله: أسويلك مساج؟.. گال: لا
              متعشي بره.
              دليمي معزوم بعيد ميلاد من خلصت الحفله گللهم: ياجماعه عود باجر عيد
              الميلاد عليّه.
              دليمي سافر بره دز لأهله صورته بلباس السباحه... دزوله ملابس.
              دليمي يعزي ناس.. شلون مات المرحوم؟ گالوله بحادث سياره.. گال شنو
              أثول؟ ميشوف؟
              دليمي أهدت له صاحبته ببغاء.. وره فتره خابرته وسألته: شلونه
              الببغاء؟.. گللهه:عادي مثل طعم الدجاج.
              دليمي اشتره لمرته علبة كريم مغذي بشره.. گعد الصبح لگاهه تريگ بيها
              الجهال.
              دليمي يگول: أحسن خمس أشياء بالدنيه تلاثه.. الچاي والگهوه.
              دليمي خابر مكتب خطوط .. گاللهم: بالله شگد تستغرق الرحله للهند؟گاله
              الموظف: لحظه.. سد الخط وگال لصاحبه: لا موبعيده كلش.
              دليمي الله وفقه بنه بيت ضخم الباب مالته من زجاج.. گام حطلهه عين
              سحريه.
              دليمي سألوه: إشگد كلفتك الروحه للحج؟ گال: خمسطعش ورقه غير المشروب
              والكاولية.
              مصري يگل لدليمي: إنته بتستعبطني ولآ إيه.. الدليمي گله: أسطع بطنك
              وبطن الخلـّفوك
              دليمي شاف وحده تستعمل الشسوار.. گال: وإحنه ليهسه بالرمادي نگصع
              الگمل بدينه.
              دليمي ديمشي عالجسر ويگول: أيباه غير بالكونه ضخمه
              دليمي گالوله شنو أصعب موقف بحياتك؟.. گال من ازين لحيتي وأني أعلچ.
              دليمي حب يتحارش بوحده وياه بالجامعه.. طخهه فوگعن كتبهه.. گام
              لمّلهياه كلهن.. گالت له: شكراً.. عذبناك.. گال: بالعكس.. لاعذاب ولا
              خره.
              دليمي گال له إبنه: بويه لازم أدرس بالخارج..گال:وأخوتك وين يخرّون؟
              دليمي گال لأبوه: بويه أريد (كيري).. گال له أبوه: والله ماتاخذ غير
              بت عمك.. گال له: بويه كيري جبنه.. گال أبوه: وبت عمك گيمر يبويه
              دليمي گال له أبنه: بويه إجازة السوق مالتي سقطت.. قال له
              أبوه:طبعاً.. من كثر دياحتك بالشوارع.
              ثنين راجعين من بغداد للرمادي ..يم البانزين خانه نزل السايق يشتري
              ببسي والثاني راح يبول..السايق جاب الببسي ونسه صاحبه وراح للرمادي
              ..أهل ذاك خابروه: لعد فلان وين مارجع وياك؟.. گال أهوووو.. أگول
              إلمن الببسي الثاني؟
              دليمي كمّل دراسه بالخارج ورجع لأهله شاف عدهم زمال .. گال :الحمد
              لله كمّلت دراسه من دونهم.
              دليمي وگـّف تكسي گال له: فارغ؟ گال: نعم گال :متنزل نسولف شويه نگضي
              وكت.
              دليمي أشتره مرايه وتباوع لروحه بيهه گال ياسبحان الله هالوجه موغريب
              عليه...وين شايفه؟؟ وره شويه أخذله صفنه گال:أها.... يم الحلاق..
              گالوا لدليمي :شنو رأيك بالموز؟ گال والله طيب لوما نوايته چبيره.
              دليمي سوه عملية رفع كليه فنجحت العمليه گال والله مدام هيچ لآكررها.

              دليمي أشتغل مخرج تلفزيوني راح لأهله گاللهم سوولي راس بصل حلقات
              وانطوني الحلقه الأخيره.
              دليمي عنده ضرس مأذيه حيل راح لطبيب الاسنان گال له أريدك تشلعلي كل
              سنوني وتخليه هذا بوحده مثل الجلب.
              دليمي وگف يفوّل سيارته بالبانزين خانه..شاف بنات بسياره ثانيه..گال
              للعامل:بالله فوللي بعشرتالاف دينار بانزين.
              دليمي يسوق تكسي ركبوا ثنين رايحين لملعب الشرطه گالوله:إذا ممكن
              نادي الشرطه الله يخليك.. گال: ليش متحلّوهه بيناتكم اخوان.
              دليمي سألوه عن عمره گال 30 وره عشر سنين سألوه گال 30 گالوا شلون
              ماكبرت؟ گال: الرجال عدنه كلمته وحده حتّه لو ألف سنه.
              دليمي خابر صاحبه طلعله إبنه گاله: أبوك هنا؟ گال: نعم گال: عرفتني
              منو؟.. الأبن صاح.. بابا أكو واحد يريدك عالتلفون ميعرف هوه منو.
              دليمي گال لأبنه إذا تنجح اجيبلك مدرس خصوصي مُـلـُـك
              دليميه قرت بجواز رجلهه مكتوب( رجل اعمال) گالت سواهه الكلب واتزوج
              عليه.
              دليمي اشتره تكسي.. بالشارع يصيحون عليه تكسي تكسي.. گاللهم عمي ادري
              والله ادري.
              دليمي گال لابوه: بابا خل نروح لحديقة الحيوانات ابوه گال له:
              لاتستعجل ابني فد جم يوم همه يجون ياخذونه
              دليمي اشتره لابنه حاسبه شال الصفر منهه گال حتى لتسجل عليّه مكالمات
              دوليه.
              دليم ثنين يتناقشون الاول گال انا من اشرب الگهوه ما اگدر انام
              الثاني گال انا بالعكس من انام ما اگدر اشرب الگهوه.
              دليمي گال لجماعته: والله خدمات الحج بالسعوديه حيل محترمه وأنصحكم
              من تريدون تحجّون لا تروحون غير للسعوديه.
              دليمي يطوف بالكعبه سمع الاذان سأل اللي يمّه گاله: بروح أبوك ماكو
              جامع قريب هنا؟
              دليمي واهسه بالتجاره سمع صديقه يگول: الخميس يوافق 15 ..گال واذا
              ضغطنه عليه شويه ميسويهه أقل؟
              دليمي طگّت أموره بالتجاره جاب خدامه.. ثاني يوم تعاركت مرته ويه
              الخدامه.. گام عزل كل وحده ببيت.
              دليمي أشتره علچ أبو السهم ..صار الليل وهوه يعلچ.. گالوله نام..
              گال: بالحرام.. ما أنام إلا أخلصه.
              دليمي راح للسليمانيه طب بالمطعم طلب تكّه بدون ملح وبدون شحم..گال
              له الكردي والله كاكا ماكوعدنه شحم أسويلكياهه بس بدون ملح؟
              دليمي عرس سكتاوي حط كاسيت فارغ بالمسجل.
              واحد من المدعوين عجبه الشريط طلب منه نسخه مسجله.
              جيرانهم دگ الباب حيل منزعج گاللهم :يأ أخوان نريد اننام متنصون صوت
              المسجل شويه.
              دليمي تعين بالأمن السري مال الكعبه شاف واحد يطوف گاله : شعندك ولك
              تفتر هنا؟
              دليمي سوّه معمل خل بالرمادي طلع كسر لإن طلعت إشاعه عليه أن الخل
              مالته عتيگ
              دليمي شاف ببغداد قطعه مكتوب عليهه(دورة مياه) سأل اللي بالباب: گلي
              بروح أبوك شلون التسجيل بيه؟
              دليمي شاف نافورات هواي ببغداد گال : حيل..!! شكثر بيهه بوريات طاگه.

              دليمي شاف المصلحه أم طابقين ببغداد واگفه..داخ.. گال ياساتر اشلون
              حادث رهيب..شصعّدهه وحده عاللُخ ؟
              دليمي سألوه: ششفت ببغداد؟ گال السفن أب.. گالوا شنو يعني ؟ گال بطل
              تفتحه لو تلحگ تشرب منّه لو لا.
              دليمي وكردي يتمشون بالمزرعه..الدليمي سأله:جاي تشوف هاذا ابو
              الزعر(نوع من الطيور) المصنگر مثل الصلّ فوگ الشجره؟.. الكردي گال
              متعجب: زين شنو معنى كلمة شجره؟
              دليمي راد يتعرف عله بنيّه گاللهه:شسمچ؟ گالت:أسماء.. گال: أها..يعني
              مو إسم محدد؟
              طالب دليمي سأله المعلم:من هو النبي الذي كان يكلم الحيوانات؟ گال:
              سيدنا طرزان عليه السلام.
              دليمي أتصل بالأطفاء گاللهم:شنو إذا ماكو حريق منشوفكم يعني؟
              دليمي حب يتغزل بمرته بالفراش گال لها:شايفه هذاك الگمر؟؟ گالت:إي..
              گال :ريحة أباطاتچ واصله يمّه.
              واحد لاخ هم گال لمرته شايفه الگمر ذاك؟ گالت نعم.. گال إببوكس واحد
              أوصلچ يَمّه.
              دليمي گال له أبوه روح إغسل وجهك راح يجونه خطار..گال وبلكي ما إجوا؟

              دليمي كمشله مصري يريد يبسطه.. گال المصري(سبني ياوله) گال له
              الدليمي(والله لانعل أبوك لابو الخلـّفك).
              دليمي عنده أرق ميگدر ينام گالوله عِد للميه تنام .. وصل للخمسين
              نعّس.. گال: اگوم اغسل وجهي وأكمّل للميّه.
              دليمي سأل أبو المحل:عندك تلفزيونات ملونه؟ گال له نعم.. گال فد واحد
              أزرگ للجهال الله يخليك.
              دليمي گال لصاحبي :بالله شوف ألاشاره مال السياره تشتغل؟ فگال له
              صاحبه:إي .. لا.. إي.. لا.. إي.. لا
              دليمي راح يحج شاف الناس تشمر حجار گال: أيّباااااااه ....... لهنا
              وصلت إسرائيل؟
              دليمي گال لأبنه إذا نجحت هالسنه أشتريلك رولز رايز وإذا زمال مثل كل
              سنه أخليك على الـ بي أم 2000 مثل الكلب.
              دليمي يم صاحبته دگ عليه الموبايل ..طلعت مرته.. گال عجيب شمدريهه
              أني هنا؟
              دليمي گال لمرته الحضريه: شراح ناكل اليوم؟ گالتله: مسويه رجيم گال
              اي والله ماضايگهه.
              دليمي بنه بيت مدوّر... گال لمرته:هم گولي بعد حابسني بين أربع
              حيطان؟
              ثنين دليم يلعبون شطرنج.. الاول گال:هييييه.. كتلتك الحصان.. الثاني
              طلع شويه ورجع گال: وأني سممتلك الهوايش كلهن.
              دليمي ضيع زوجته بالحج سالته الشرطه بيها علامه مميزه؟؟ گال
              إي..أمركبه لولب
              دليمي بيده موبايل ويصيح: دوري زين الله يخليچ ..فمر من يمه واحد
              إستغرب من صياحه فاخذ الموبيل منه لگاه يگول:الرقم غير موجود
              بالخدمة.. الرقم غير موجود بالخدمة..
              دليمي راح للدكتور گال: دكتور.. انا كل مكان بجسمي أگيسه يعورني..كشف
              عليه الدكتور لگه اصبعه مكسور
              دليمي اول مرة يركب سيارة ...اشتري فراري.. فتح الراديو گالت المذيعة
              هنا لندن .. گال أيباه...يلعن ابو السرعة.
              دليمي راح للصيدليه طلب كارتونين نيفيا، الصيدلاني گال له: إشدعوه
              هالكميه؟ گال له الدليمي: يمعود بس خادمك حمودي يتريگ باليوم باربع
              علب.
              دليمي عمره 8 سنوات يسوق سيارة ، سالوه منينلك؟ گال: كتبت لأبويه ويه
              القرطاسيه مقطاطه أم السياره، جابليّاهه ويه المقطاطة.
              دليم تلاثه أخذوا مقـاولة مد الكيبل الضوئي من بغداد للرمادي وقسموا
              العمل بيناتهم واحد يحفر وواحد يمد الكيبل والثالث يدفن..غاب اللي
              عليه شغلة مد الكيبل.. الجماعه إستمروا واحد يحفر وواحد يدفن.
              دليمي كل مرة يطبگ باب الثلاجه على كيف .. گالوله ليش؟.. گال: أريد
              أعرف منو يطفي الضوه جوه؟
              دليمي عنده بواسير.. راح للدكتور ..گال له: دكتور مروتك..أريدك تحط
              كل خبرتك (بـطيزي).
              دليمي سأله صاحبه: مالگيتلك مصري يساعدك؟ گال له: والله لگيت سوداني
              شغلته مصري عندي.
              دليمي إحترگ بيته... إجوا الأطفاء.. گللهم: بالحرام، ماتطفونهه إلا
              إتعشّون.
              دليمي دز لمرته ثريات ثنين كرستال... خابرهه: شنو رأيج بيهن؟ گالتله:
              حلوات حيل... بس مو شويه كبار على الإذانات.
              دليمي طلع من السينما... گالوله: شلونه الفلم؟ گال: ليش هوه آني لحگت
              أسلم عالگاعدين حتى أشوف الفلم؟
              دليمي گل لصاحبه: سمعت بهذا اللي وگع من عمارة عاليه و3 أيام يالله
              وصل للگاع؟ گلله: ومات؟؟ گلله: شوف هذا الغبي يگللي مات..أگلله3 أيام
              لا أكل ولا شرب عجل شلون مايموت؟
              واحد تعارك ويه دليمي، گام يفشر: إبن الكحبة.. روح شوف أمك بيا
              حضن؟...هذا همينه أخُذ المسدس وروح لأمك.. لگاهه بحضن أبوه.. گال له:
              مع الأسف.. توقعتهه من كل الناس ..ألا منك ...... طاخ.
              دليمي سأل أبو الصيدلية: متگللي شنو الفياغرا الخابصينه بيهه؟ گاله :
              حباية تخليك تسوي مرتين ..تلاثة.. أربعة باليوم .. گلله : آها.. گول
              مهديء وريحنا.
              دليمي سمع عن جمع تبرعات لمستشفى الأمراض الصدرية ... تبرع بألف
              ستيان.
              دليمي راح يحلل بوله، گالتله الممرضه: بولك سكر، جاوبهه: و إنتي خراچ
              عسل.
              دليمي گال لمرته: اليوم أريد منّچ رومانسيات، خابرت لأمه سألتهه: شنو
              رومانسيات؟؟ گلتلهه: والله يمه ما أعرف، بس للإحتياط نگعي الباكلله
              وإسلگي اللحم.
              دليمي اشتره لإبنه شبح، گال له: مشي بيهه حالك لما أحصللك لادا زينه.

              دليمي گال لأبوه: يابه أريد أدرس برّه.. گال له: خللي أمك تفرشلك
              بالطرمة.
              وحده مستويه، گالت لواحد: بوسني.. گاللهه: لا دليمي.
              دليمي قدم على وظيفه گالوله: شنو شهادتك گال: ابتدائية، وأعرف واحد
              يدرس بالصناعة.
              دليمي راح لامريكا شاف شباب مكتوب على ملابسهم دعاية مال كوكولا رجع
              للبيت كتب على الدشداشة دعاية مال شربت نومي بصرة
              دليمي نزل للمدينة فلگه سوداني يبيع ازبري بعربانة گالة :انطينة فد
              ماعون فانطاه السوداني ماعون فطلع خبزة وگعد يثرد فضحك السوداني گلة:
              عليش تضحك على صخام وجهك لو على مرگتك؟
              دليمي قال لكردي اريد ابيع سيارتي التويوتا بسعر غالي شلون؟ قاله
              الكردي بسيطه شيل علامة تويوتا وحط علامة بي ام بعد اسبوع سأله
              الكردي : بعت سيارتك ؟ قال الدليمي: من كل عقلك انت ، اكو واحد يبيع
              سياره بي ام؟
              اكو واحد ادليمي صعد بالطيارة شاف واحد طلب عصير برتقال فوكا شيف
              برتقال كلهم اني اريد كلاص حليب فوكا هايشة
              دليمي لابس حزام ناسف و حاط گـُرصة خبز بحزامه فسألوه ليش يا
              إمحمـّد؟ گـال: أريد أسويهم ثريد
              مرة دليمي سجل اختة بمن سيربح المليون :حتى يشوفهة تتصل بيا صديق
              دليمي ضاقت بي الدنيا بالعراق راح للسعوديه كلهم شغلوني كلوله شنشغلك
              كلهم اي شى حتى لو خادم الحرمين
              دليمي اشترى بي ام بمواصفات خاصة، فيها الكمبيوتر يصلح كل شي من دون
              ما يروح الوكالة! حب الدليمي يجربها فدعم بالباب اللي عاليمين، فرد
              الكمبيوتر: يا أيها الباب ارجع كما كنت، فرد ودعم بالباب اللي
              عاليسار، فرد الكمبيوتر يا أيها الباب ارجع كما كنت! عجبته السالفة
              قام جربها وطار من فوق الجسر!! فرد الكمبيوتر: يا أيتها النفس
              المطمئنة ارجعي إلى ربك راضية مرضية
              دليمي يحجي لمرتة هلكد شاركت بمعارك وانتصرنة وهيجي ضربنة العدو ومرة
              بطلقة وحدة كتلت خمسين واحد كلتلة مرتة هيج انت شجاع ؟كللهة اي واللة
              حتى اتذكر بوحدة من المعارك استشهدت


 
واحد راح لهولندا من رجع لبغداد اخو ساله ؟ كله شفت هناك كله يمعود من كثر المزارع الي هناك بس يعجبك تصير طلي ..

عربي راح لدكتور كردي وكله دكتور بطني كل شويه تطلع كله أحتمال فانيلتك كصيرة

فد يوم امحشش يغني بحفلة والجمهور يصيح -سحابك مفتوح -كال هسة هسة اغنيها

اخرس تزوج خرسه فد يوم كتبتله اريد اروح لاهلي فرد عليها ماتروحين جان تكتبله بخط جبير اريد اروح لاهلي فكتبلها لا تصيحين


واحد كردي شاف بنت حلوة كال شسم الحلوة كالت اسمي موجود بكل حديقه كال شنو صوندة

ابو تكسي حشاش صعدت ويا وحده كلشي ملابسه ضل يباوع عليها بالمرايا كلتله شبيك اتباوع مشايف وحده مصلخه كللها لا بس دا اشوف وين ضامه الكروه
واحد محشش راح لابو صيدلية كلة عندك شريط فلو اوت كلة اي كلة حطة خلي نسمعة

اثنين محششين واحد يكول للثاني شنو الفرق بين
الصحراء والاسبوع كالة الاسبوع بيه احد والصحراء
مابيهة احد

محشش جتة رسالة حلوة من اخو كعد يضحك خابر اخو كلة عفية دزلياهة مرة لخ

واحد كال لأبنه روح اسقي الزرع قاله الولد يابه مو الدنيه تمطر قاله ابوه لا تسويه حجه اخذ شمسيه وأطلع

حشاش يسأل واحد تتوقع شنو يصير إذا صار دوران الأرض أسرع ثلاثين مرة عن الطبيعي ؟؟ قال: ما أدري ؟ قال المحشش : نأخذ الراتب كل يوم


نمر فات من كدام بزونه تلحك فارة كال ايباااااه شكد حلوة ايام الابتدائيه

غبي دتمدحه صديقته كلتله انت بطل وشجاع كلهه اي وهم جنت شهيد بمعركة القادسيه

حشاش اجتة قائمة الماء الف دولار كال الظاهر اخر مطرة جانت على حسابي

وحدة نازوكية ابوهة يشتغل كصاب سالوها ابوج شيشتغل؟كالت بابي يكشر خرفان

 

واحد ديكول لصاحبه : شصار بالعركة بينك ويبن مرتك البارحة؟؟ رد: اصلا جتي يمي و ركعت كدامى !! قال له : صدك؟ زين شكالتلك ؟ قال له : كالتلي "اطلع من جوة الجرباية يا جبان


فد يوم جلال الطلباني جمع الوزراء كلهم: كال لازم نثبت للعالم احنة اذكياءونصعد للشمس موللقمر فواحد من الوزراء كالة: سيدي منكدر لان نحترك. فجاوبة جلال :قابل احنة زواج رح نصعدلها بالليل


طيار شروكي فصلوه من الخطوط الجويه ليش؟! مضلل الطياره وكاتب عليهة الوكحة


واحد ناصرية يبجي على صديقه وهو ميت سألوه ليش؟ قال سمعت البكاء يعذب الميت


خلقت المرأه لتسأل زوجها...من قابلت؟...ومن اتصلت؟ومن؟ومن؟لذلك سميت المرأة بلانجليزيه: ومن


ذهبت فتاة شقراء إلى الطبيب وأذناها محمرتان، ولما سألها الطبيب عما حدث قالت: كنت أكوي قميصاً عندما دق جرس الهاتف، وبدلاً من أن أرفع سماعة الهاتف إلى أذني رفعت المكواة فاحترقت أذني. قال الطبيب: وماذا حدث للأذن الأخرى؟ قالت: الأحمق اتصل مرة أخرى


): طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه : نام تقبرني . الاوربيه : سويت دريمز بيبي. العراقيه : عووووو اجا حرامي ياخذك انطمر الله يشيلك انت وابوك


اكو مذيعة سئلت اثنين مساطيل شنو العراق بالنسبة الكم ؟ اول واحدكال العراق يعنيلي امي ..الثاني كال ما اكدر احجي على ام صاحبي

صخله لبنانية شافت طلي عراقي يبچي گالتله ليش عم تبكي؟ گالها راح يذبحوني گالتله: بعيد الشر... كلها لا بعيد الاضحى

مره محشش صايم خابر الاذاعه كالوله شنو طلبك ؟؟؟ كال مقطع من اذان المغرب

اكو واحد نايم ويه حبيبته كلته حبي اريدك دكولي كلمه توكف قلبي كللهااااا حاضر اخوج ديباوع علينا من الجامه

واحد محشش مر من يم مزرعة ابقار سال الفلاح كلة شنو انتو تزرعون ابقار ؟ جاوبة الفلاح ناصب علية.....كلة اي نرش شكر على الكاع وثاني يوم يطلع بقر...راح الممحشش رش شكر واجة ثاني يوم لكة الكاع بيها نمل كال الله : الله شكد البقر حلوين من همة صغار

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

كردي وكع بالخباطة طلع دايخ كال انعل ابو الي يفوت على مدينة الالعاب بعد

واحد كردي اول مرة يعلج كال والله ماانام الا اخللصها اليوم

شيخ جامع دخل على جماعه يحششون كلهم حرام عليكم كالوله وعليكم الحرام ورحمة الله ...

وحده صومالية جابت ثلاث اطفال توم اثنين طلعو لونهم اسود والثالث ابيض ليش ..؟ لأن الحبر خلص ههههههه

اكو واحد يبيع ويشتري بالحيوانات نزل جلب وباعه ونزل قرد وباعه ونزل دب فأجه واحد يشتريه كاله لاعيني مو للبيع جاي انزله نغمات

محشش تعارك ويه امه راح جاب باكيت حليب و كلهه هاج هاذه كل اللي بيني و بينج

نايب ضابط طلع تقاعد فكر شيشتغل لأن راح يصير عنده فراغ كال خل اشتري سيارة كوستر واشتغل بيهه على باب الله اشترة الكوستر وشغل ابنه وياه سكن فد يوم هو شايل عبرية سرح فكرة للجيش اشلون جان يخدم نايب ضابط وابنه صاح بابا عندك واحد نازل كال غيبه انعل ابوه لابو النزله ..
..فد يوم واحد صعد يخطب نزل متزوج

.. اكو كردي مات اجو 62 ملاك اثنين ايحاسبونه و60 ايفهمونه

.. ثنين من الناصرية لزموا واحد كالولة انت ويانةلو وية الباقين كاللهم وياكم كالولة
احنة الباقين ههه

.. قاضي بالناصرية حكم على أحول يلظم أبر خياط مؤبد

.. واحدفطيردخل كراج سكراب سيارات كال اوووو هذا شلون حادث

.. فد يوم وحده كالت لزوجه ادفع نص عمري بس اشتريلي سيارة . كله لعد راح
اشتريلج سيارتين. .

.. حرامي ازوج حرامية جابوطفل مزدودةايدة فتحوها لكوها محبس الدكتورة

.. غبي سأل غبي كاله : أنت شلون عرفت ان رونالدو أسمه صالح ? جاوبه صاحبه
ياغبي أنت متسمع المعلق دائما يكول خطأ لصالح رونالدو

.. سألو جلال الطلباني كلوله كاكا انتا ليش متروح للحج ؟؟؟؟ كال والله كاكا اني هسه
امام من اروح للحج شصير نبي.

واحد سأل زوجته اذا متت راح تتزوجين ورايا قالت إن شاء الله عمرك طويل …
بعد ما اصر عليها قالت طبعا فقال الها هم راح اطبخين له الأكلات الفلانيه و بدء
يعدد وهيه تقول إن شاء الله عمرك طويل إلى أن سئل راح تطبخين له باميه قالت لا
قال ليش؟
قالت لان ما يحب الباميه

... مصلاوي جاب حبر انتخابات بالعيد ليش؟؟؟
حتى محد ياخذ جكليت مرتين

... ... فد يوم واحد لكه الفانوس السحري
جان طلع له الجني
كله شبيك لبيك اني بين اديك
جان كله اريد جسر من العراق الى اميركا
علمود ادز سيارت مفخخة
جان كله هاي صعبة اختار غيرها.
جان كله اريد العراق يصير بخير
جان كله : تريد الجسر ابو الطابق ولا ابو الطابقين

... فد مره مصلاوي وكعت بلجاي مالته ذبانه طلعهه وكللهه زوعي كل الشربتيه

... محشش وكف ابو تكسي ..كلة تروح للنجف كلة اي...كلة ادعيلنة وياك

... مرة باجتماع قيادة صدام البعثية دخل صدام عليهم وقبل لاينزع بيريتة نزع عزت قبلة
فلطخة صدام راشدي كالة ليش تنزع البيرية قبلي. وبعدها خمس سنوات عزت منزع
بيريتة باي اجتماع. فد يوم صدام ضاج قال لعبد حمود لك شوفلي جارة اريد اضرب
عزت راشدي قلة عبد حمود بالاجتماع اطلب منة جكارة جرود وهو ميدخن وضربة
واحد من جماعه عزوز سمع وراح كل عزوز على الموظوع واشترى عزوز كل انواع
الجكاير الي بالسوق. بالاجتماع طلب صدام من عزوز جكارة جرود كلع عزوز هاي
سيدي كله صدام زين سومر كاله هاي سيدي وطلب منه كل الجكاير وانطاه عزت
ضاج صدام فكلة عزوز تذكر قبل 5 سنوات نزعت البيرية قبلي فضربة راشدي
.
... دليمي كل مرة يطبگ باب الثلاجه على كيف .. گالوله ليش؟.. گال: أريد أعرف منو
يطفي الضوه جوه؟

... محشش كال راح اشتري مسدس حتى كلما اضوج انتحر

... كردي طلبوا منه يکتب انشاء عشر صفحات كتب بالصفحة الاولى (ركب الرجل
الحصااان) وبالصفحة الاخيره كتب (نزل الرجل من الحصان ) وبالنص كلها (طربك
طربك طربك طربك

... مره واحد سكران وكاعد ديططوطح جان يوكع شالوه اصدقاءه وكلوله الحمد لله
جاتي سليمه كلههم اشجابهه سليمه ابنص الليل ويه السكارى

... فد ويم جلال الطلباني راح البرنامج من سيربح المليون سأله جورج قرداحي كله
واحد زائد واحد والاختيارت هيه
نصف.واحد.اثنين.ثلاثة.
جان ايكله والله كاكا سؤال صعب احذف اجابتين بقاله نصف واثنين جان ايكله والله
كاكا سؤال بي لوفه اتصل بصديق
اتصل ابمسعود جان ايكله هيج وهيج كله دير بالك سؤال بي لوفه كله جلال لجورج
قرداحي سهـــّل السؤال,, كله انت كاعد ابمطعم وجابولك كباب, شيش كباب زائد شيش
كباب شيساوي ......
كله نص نفر.

... واحد خابره صديقه بالليل كله ديروا بالكم ترة المي متسمم .. فمرتة سألت شكو؟؟
كلها لا ماكو شي كومي اشربي مي ونامي

... عجوز سمعت عزرائيل ياخذ الكبار بالعمر گامت تاكل سيريلاك, طب عزرائيل گاللهه:
حجية شدسوين؟ گالت آتل سيليلات كالهه يللا حبابه خلصي حتى انلوح


...مره النقود سوا عزيمه كل انواع العمله حضروا للعزيمه بس الدينار ما اجا للعزيمه
بعدين اجا سئلوه ليش ما اجيت من وكت؟ كل اسكتوا جنت ابجيب واحد مصلاوي
متت الى ان طلعت من جيبه

.... فد يوم محشش جان كاعد فوك العمارة ام أربع طوابق ديحشش...فجأة دخل عليه
واحد وكله...أحمد إلحك صاروخ وكع بيتكم وابوك وامك و مرتك وجهالك ماتوا.
هو صفن وعينه انترست دموع كال اويلي ..امي وابوية وعائلتي راحوا؟ اني ليش
عايش بعد؟
وفجأة كام وشمر روحه من العمارة.... وهو بعده ديوكع من الطابق الرابع
كال ويا نفسه: صدك اني ابوية أمي من زمان ماتوا...
وصل للطابق الثالث كال: اني
ماعندي جهال... وصل للطابق الثاني كال: اساسا أني مامتزوج... وقبل مايوكع كال
اني اساسا اسمي خالد مو أحمد   

 

باسم الحي العظيم
 
اشوما اد هيي واشمه اد مندا اد هيي مدخر الي اكا هيي اكا ماري اكامندا ادهيي اكا باثر نهورا بسهدوثا اد هيي وبسهدوثا اد ملكا ربا راما اد نهورا الاها اد من نافشي افرش اد لاباطل ولا مبطل اشمخ يا هيي وماري ومندا ادهيي
والحي المزكي
اعجبني
 
Advertisement
 
حقوق الطبع والنشر
 
تنشر الجمعية الثقافية المندائية في هولندا لاهاي المعلومات الخاصة بها على شبكة الانترنت .
وإذا راودتك الرغبة فى اقتباس المعلومات ، أو استنساخها ، أو إعادة نشرها أو ترجمة أي أجزاء منها بغرض ترويجها على نطاق أوسع ، يرجى تبليغ الجمعية الثقافية المندائية او الاتصال بمدير الموقع وذلك بالضغط على زر مراسلتنا على الجهة اليسرى .
وتحتفظ الجمعية الثقافية المندائية بكافة حقوق الطبع والنشر الخاصة بالمواد المعروضة على صفحاتها على شبكة الإنترنت ، بما فى ذلك الصور والتصميمات والرسوم البيانية.
ويحظر استعمال مواد الموقع للاغراض التجارية او نسخها على سيديات او انتهاك شرعية الموقع .
ويعتبر استعمال اسم الجمعية وشعارها بدون الحصول على إذن بذلك مخالفاً للقانون الدولي بحقوق النشر وممنوعاً منعاً باتاً.
نحن من هذا الموقع نحاول ايصال الافكار والمقالات والتعريف بالدين الصابئي المندائي ونحن بهذا الموقع لانتخاصم مع اي جهة دينية او سياسية اخرى . لذا يحق لجميع الصابئة المندائيين بالحصول مجانا على ما في هذا الموقع بشرط مراسلتنا لنزودهم بالمسموح . ويمكن لجميع المندائيين ان يزودوننا بمقالاتهم ومواضيعهم واخبارهم المهمة و الرئيسية ( بالعربي او بالهولندي او بالانكليزي) وذلك لنشرها مجاناً على موقعنا .
© جميع الحقوق محفوظة للجمعية المندائية في هولندا دنهاخ 2010 Copyright © 2010, All rights reserved to the Mandaean Association in the Netherlands / Hague ,Inc
 
Today, there have been 136690 visitors (291502 hits) Total This Week.
=> Do you also want a homepage for free? Then click here! <=
تصميم الموقع حــسام هــشام ألعيــداني© جميع الحقوق محفوظة للجمعية الثقافية المندائية في لاهاي هولندا
Copyright © 2010, All rights reserved to the Mandaean Association in Netherlands / Hague ,Inc Developed and Web designer By Hossam Hisham al Edani